Մահվան ցուցանիշը կարող է կտրուկ աճել.կորոնավիրուսային վարակի 2-րդ ալիքը՝ Մեծ Բրիտանիայում          Բեռնատար ավտոմեքենայի վարորդի ինքնազգացողությունը վատացել է․այրվել է 24 տոննա կարագ       Կարծես թե նվազել են հայ դիրքապահների ուղղությամբ արձակած կրակոցները    

06 օգոս 2020 12:55

Բեղմնավորման ժամանակ սերմնահեղուկի շարժման առեղծվածը.դա կօգնի մասնակիորեն լուծել տղամարդկանց անպտղության խնդիրը

Գիտնականները վերանայել են բեղմնավորման ընթացքում սերմնահեղուկի շարժման մասին իրենց պատկերացումները: Այս մասին ասված է Science Advances գիտական ամսագրում հրապարակված հետազոտության մեջ:

Հատուկ մանրադիտակի եւ ֆոտոխցիկի օգնությամբ, որոնք կարող են վայրկյանում 55 000 կադր նկարահանել, մասնագետները բացահայտել են արական սեռական բջիջների շարժման առեղծվածը եւ նկարագրել, թե ինչպես են դրանք իրականում շարժվում: Գերարագ եռաչափ մանրադիտակը հերքել է այն կարծիքը, որ սերմնահեղուկը շարժվում է բացառապես տատանման շարժումների շնորհիվ, որոնք կատարվում են շոշափուկի միջոցով:

Իր կառուցվածքի պատճառով սերմնահեղուկի շոշափուկը կարող է շարժվել միայն մեկ ուղղությամբ, որի պատճառով այն պետք է շարժվի շրջանով: Մանրադիտակի տակ սերմնահեղուկի ուսումնասիրությունից պարզ է դարձել, որ շարժման ժամանակ սերմնահեղուկը պտտվում է իր առանցքի շուրջը: Կենսաբանների կարծիքով, նման ասիմետրիան թույլ է տալիս հասնել սիմետրիկ եւ ճիշտ շարժման՝ ձվաբջիջների ուղղությամբ:

Այս հայտնագործությունը հնարավոր եղավ կատարել շնորհիվ արագընթաց խցիկի, պատկերների հիման վրա նաեւ ստեղծվել է շարժական արական սեռական բջջի առաջին եռաչափ մոդելը: Մասնագետները ընդգծել են, որ սերմնաբջջի երկչափ դիտարկման դեպքում, թվում է, որ այն շարժվում է միայն շոշափուկի տատանման հաշվին:

Գիտական աշխատանքի ավարտին հաստատվել է, որ բացահայտումը թույլ կտա ավելի մանրամասն ուսումնասիրել բեղմնավորման ընթացքում արական սերմերի շարժման ֆենոմենը: Երկարաժամկետ հեռանկարում դա կօգնի մասնակիորեն լուծել տղամարդկանց անպտղության խնդիրը, գրում է Lenta.Ru-ն:

Մեկնաբանություններ

Համընկնող լուրեր