Էդպես եթե լիներ, ուրեմն եղբորս շիրիմը տարին 12 ամիս պղծում են. Արամ Սարգսյան
Մոտ երկու ժամ առաջ տեղեկություններ հայտնվեցին այն մասին, որ արդեն երկրորդ անգամ պղծում են Ապրիլյան մարտական գործողությունների հերոսների շիրիմները՝ այս անգամ Արցախի «Ոսկե արծիվ» շքանշանի ասպետներ Արմենակ Ուրֆանյանինը և Ռոբերտ Աբաջյանինը։Սոցկայքում համապատասխան հրապարակումներից մեկին արձագանքել է Արամ Սարգսյանը.
«Ինչ պղծել... Շրթներկով համբուրում են, 5ր. արևի տակ և տեղը երևում է ու երբ չոր շորով ուզում են մաքրել ավելի է լղոզվում։ Էդպես եթե լիներ ուրեմն եղբորս շիրիմը տարին 12 ամիս պղծում են։ Օճառաջրով լվանալ է պետք ու խնդրել, որ շրթներկով, ինչքան էլ որ սիրում են և կարոտում, չհամբուրեն»,-գրել է նա:
