Աջարիան հատուկ վերահսկողության տակ է վերցվել.զանգվածային ջերմաչափումը պարտադիր կլինի , ով ժամանում կամ հեռանում է Բաթումից
Վերջին մեկ օրվա ընթացքում Վրաստանում կորոնավիրուսով վարակված 196 նոր դեպքերից 145-ն արձանագրվել է Աջարիայում:Վրաստանի կառավարության վարչության ղեկավար Նաթիա Մեզվրիշվիլի հայտարարությամբ՝ վարչապետի հանձնարարությամբ Բաթումում են փոխվարչապետը, առողջապահության նախարարը և հիվանդությունների վերահսկման կենտրոնի ղեկավարը։
Նրա հայտարարությամբ՝ Վրաստանի ողջ տարածքում, ներառյալ Աջարիայում, առևտրային հաստատությունները սկսում են զանգվածային ջերմաչափումներ անել:
«Այսօր միջգերատեսչական խորհրդի նիստում որոշվեց, որ զանգվածային ջերմաչափումը պարտադիր կլինի յուրաքանչյուրի համար, ով ժամանում կամ հեռանում է Բաթումից: Կստեղծվեն հատուկ կետեր, և օպերատիվ շտաբը կաշխատի այդ ուղղությամբ` համապատասխան գերատեսչությունների հետ»,- ասել է Մեզվրիշվիլին:
Միևնույն ժամանակ հավելել է, որ չնայած կորոնավիրուսների դեպքերի աճին՝ արտակարգ դրության կամ ամբողջական կարանտինի ներդնում չի նախատեսվում, այդ թվում ՝ Բաթումում:
