Մահվան ցուցանիշը կարող է կտրուկ աճել.կորոնավիրուսային վարակի 2-րդ ալիքը՝ Մեծ Բրիտանիայում
Մեծ Բրիտանիայի վարչապետ Բորիս Ջոնսոնը հայտարարել է, որ երկրում սկսվում է կորոնավիրուսային համաճարակի երկրորդ ալիքը, գրում է The Guardian-ը:Միևնույն ժամանակ գիտնականները լուրջ մտավախություններ ունեն առ այն, որ մահվան ցուցանիշը կարող է կտրուկ աճել, իսկ հանրության պահվածքում որևէ լուրջ փոփոխություն տեղի չի ունենա:
«Այժմ տեսնում ենք, որ երկրորդ ալիքը մոտենում է: Նույնը տեսել ենք Ֆրանսիայում, Իսպանիայում և Եվրոպայով մեկ և, ցավոք, նույնը տեսնելու ենք նաև մեզ մոտ»,-հայտարարել է վարչապետը:
Նա հավելել է, որ ցանկանում է բաց պահել դպրոցները, ինչպես նաև տնտեսության բոլոր ճյուղերը, քանի որ բնակչությունը չի ցանկանում երկրորդ անգամ «լոքդաունի» մեջ հայտնվել:
Հայտնի է, որ ուրբաթ օրվա տվյալներով՝ երկրում մեկ օրում գրանցվել է վարակման 4322 նոր դեպք, ինչը մայիսից ի վեր ամենաբարձր ցուցանիշն է:
Ըստ worldometers.info կայքի՝ Մեծ Բրիտանիայում գրանցվել է վարակման 385 936 դեպք, որից 41 732-ը՝ մահվան ելքով:
