Կանխատեսվում է մինչև -3․․.-4 աստիճան ցուրտ. ԱԻՆ          Տեսանյութ.Ալիևը Երևանն է ուզում. օպերայի շենքի վրա թշնամու դրոշը դնելո՞վ են խաղաղություն կնքելու թուրքերի հետ       Հեյդար Ալիևը Թեհրանում եղել է ԿԳԲ-ի գործակալը. մաքրում էր իրանցիների կոշիկները. սկանդալային բացահայտում՝ Իրանից    

23 սեպ 2020 14:38

Կարծես՝ հերթական օրենքով գողի թագադրություն լիներ,նա բացառապես ՕՄՕՆ-ի և մի խումբ ստախոս պաշտոնյաների նախագահն է

Բելառուսական ընդդիմության համակարգող խորհրդի նախագահության անդամ Պավել Լատուշկոն նախագահ Ալեքսանդր Լուկաշենկոյի երդմնակալության արարողությունը «հանցագործ աշխարհի ժողով» է անվանել: Այս մասին գրում է TUT.BY լրատվական պորտալի թելեգրամյան ալիքը:

«Այսօր մենք ականատես եղանք աննախադեպ իրավիճակի: Հեռացող նախագահը, որը պնդում է, որ ընտրություններին 80%-ից ավելի ձայն է հավաքել, իր ինքնաերդմնակալության հատուկ գործողություն է իրականացրել ՕՄՕՆ-ի հսկողությամբ, գաղտնիության մթնոլորտում, շտապ այնտեղ բերված պաշտոնյաների նեղ շրջանակում: Ո՞ւր են ցնծացող քաղաքացիները: Ո՞ւր է դիվանագիտական կորպուսը: Անկեղծ ասած՝ սա ավելի շատ նման է հանցագործ աշխարհի ժողովի` հրավիրված հերթական օրենքով գողին թագադրելու համար: Ակնհայտ է, որ Ալեքսանդր Լուկաշենկոն բացառապես ՕՄՕՆ-ի և մի խումբ ստախոս պաշտոնյաների նախագահն է»,-հայտարարել է Լատուշկոն:


Նա հայտարարել է, որ «Լուկաշենկոն հեռանալու շանս ուներ» և այսօրվանից նա այլևս նախագահ չէ:


«Իշխանության հանդեպ սատանայական ծարավն  ու պարանոյիկ վախը ստիպել են նրան հերթական անգամ խախտել օրենքը: Այսուհետ նա այլևս Բելառուսի Հանրապետության նախագահ չէ: Նա պարզապես մի բուռ չինովնիկների և Բելառուսի փողոցներում առանց տարբերանշանների գործող ՕՄՕՆ-ի ղեկավարն է: Մեզ ՝ Բելառուսի քաղաքացիների, համաշխարհային հանրության համար նա այժմ ոչ ոք է: Պատմության ցավալի սխալ և քաղաքակիրթ աշխարհի ամոթ»,-նշել է ընդդիմադիր գործիչը:


Հիշեցնենք,  Ալեքսանդր Լուկաշենկոն ստանձնել է Բելառուսի նախագահի պաշտոնը: Սահմանադրության վրա աջ ձեռքը դնելով՝ Լուկաշենկոն բելառուսերեն երդում է տվել, որից հետո ԿԸՀ-ի ղեկավար Լիդիա Երմոշինան նրան հանձնել է համապատասխան փաստաթուղթը:

Մեկնաբանություններ

Համընկնող լուրեր