Ամենայն Հայոց կաթողիկոսի ուղերձը.Տեսանյութ
Ճշմարիտն է ասած՝ քաջերի սերունդները աջերն են: Այս մասին իր ուղերձում ասաց Ամենայն Հայոց Կաթողիկոս Գարեգին Բ-ն: «Այսօր քաջերի մեր նոր սերունդն է հերոսանում նույն ոգով և նախնյաց լուսավոր օրինակով՝ հանձնառու նվիրաբերել նաև անգին կյանքը ժողովրդին և հայրենիքին նույն քաջությունը և հզորությունը ցուցաբերում են նաև սիրասուն ծնողները»,-ասաց նա:Կաթողիկոսը նշեց, որ Արցախը չի կարող որևէ կարգավիճակով լինել Ադրբեջանի կազմում: «Մեր գոյության առջև ծառացած սպառնալիքը մեզ այլ ընտրություն չի թողնում քան կենաց ու մահու պայքարով պաշտպանել Արցախի մեր ժողովրդի ազատ ու անկախ կյանքի իրավունքը և վերահաստատել խաղաղությունը, հատկապես երբ աշխարհը հապաղում է դատապարտել թշնամու վճռագործություները և վայրագությունները: Խաղաղության և ազատության ձգտումներում մեզ աջակից է Աստված»,- ասաց նա և նշեց, որ այսօր, քան երբևէ հրամայական է մեր ազգային միասնականությունը, համերաշխությունը:
«Այս վճռական պահին մեր կոչն ենք ուղղում՝ քաջաբար ելեք հայրենիքի և ազգի պաշտպանության նվիրական պայքարին, կանգնեք սահմանագծում մարտնչող մեր քաջորդիների կողքին: Ազգովի եկ սիրտ ու դարձած, միաբան և համախումբ՝ կերտենք հերթական հաղթանակը մեր նորագույն պատմության»,-ասաց նա:
