Մակրոնը հայտարարել է պատվաստանյութերի պատճառով նոր տիպի համաշխարհային պատերազմի մասին
Եվրոպան բախվել է «նոր տիպի համաշխարհային պատերազմի»՝ կորոնավիրուսային վարակի դեմ պատվաստանյութերի միջոցով իրենց ազդեցությունը մեծացնելու Ռուսաստանի և Չինաստանի ցանկության պատճառով: Այս մասին հայտարարել է Ֆրանսիայի նախագահ Էմանուել Մակրոնը ԵՄ տեսագագաթնաժողովի առաջին օրվան հաջորդած մամուլի ասուլիսում:Այս պայմաններում, կարծում է Մակրոնը, ԵՄ-ն պետք է անկախ լինի COVID-19-ի դեմ պատվաստանյութերի արտադրության հարցում: «Մինչև ամառ Եվրոպան կկարողանա արտադրել բավարար դեղաչափեր՝ հավաքական իմունիտետ ապահովելու համար»,- հավելել է Ֆրանսիայի ղեկավարը:
Ավելի վաղ Ֆրանսիայի ԱԳՆ ներկայացուցիչ Կլեման Բոնը հայտարարել էր, որ Ֆրանսիան չի բացառում, որ հունիսից կարող է սկսել ռուսական «Սպուտնիկ V» պատվաստանյութի օգտագործումը:
