Կասկած չունեմ, որ վաղ թե ուշ մեր հարաբերությունները Եվրոպայի հետ կվերականգնվեն          «Mitsubishi Pickup»-ը բախվել է «Mercedes ML 350»-ին, ինչի հետևանքով վերջինը բախվել է հաստաբուն ծառին       Արդեն հայտնի է երբ կմեկնարկի առաջին դասարանցիների հայտագրման գործընթացը    

01 մայիս 2021 14:19

Ցեղասպանությունը ճանաչելիս Բայդենը հաշվի չի առել Թուրքիայի աճող ազդեցությունը տարածաշրջանում

Ապրիլի 30-ին Թուրքիայի նախագահի խորհրդական Գյուլնուր Այբեթը թուրքական Sabah հեռուստաալիքին տված հարցազրույցում ասել է, որ, ճանաչելով Հայոց ցեղասպանությունը, ԱՄՆ-ը չի կարողացել հաշվարկել Թուրքիայի ազդեցությունը տարածաշրջանում:


Այբեթը հայտարարել է, որ «անօրինական է» 1915 թ. իրադարձությունները «Հայոց ցեղասպանություն» որակելը, ի տարբերություն ԱՄՆ նախկին նախագահների, Բայդենը հաշվի չի առել տարածաշրջանում Թուրքիայի աճող հզորությունը:


«Այն ժամանակ, երբ ուժերի համաշխարհային հավասարակշռությունը փոխվել է, Թուրքիան դարձել է տարածաշրջանում իրողությունները փոխած տերություն: Լիբիայում, Իրաքում և Լեռնային Ղարաբաղում Թուրքիայի հաջողությունները պետք է հաշվի առնվեն գլոբալ փոփոխությունների շրջանակներում», - շեշտել է Այբեթը:

Մեկնաբանություններ


Համընկնող լուրեր