Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան          Արթուր Վանեցյանի սկանդալային բացահայտումները.Փաշինյանը հանձնարարել է գաղտնալսել իր թիմակիցներին, կոտրել ֆեյսբուքյան էջերը       «Սևան» հոգեկան առողջության կենտրոնի պացիենտները հավաքին չեն մասնակցել    

12 մայիս 2021 19:00

Իսրայելի վրա հարձակվողներն իրենց կյանքով պատասխան կտան.Նեթանյահու

Պաղեստինյան ՀԱՄԱՍ և «Իսլամական ջիհադ» խմբավորումները թանկ կվճարեն Իսրայելի դեմ գործողությունների համար. հայտարարել է Իսրայելի վարչապետ Բինյամին Նեթանյահուն:

«Մենք հանդիպում ենք անցկացրել, անվտանգության ուժերի մասնակցությամբ, իրավիճակը գնահատելու համար: Ես ձեզ այսօր ասում եմ՝ նրանք կվճարեն իրենց սեփական կյանքով: Մենք համախմբված ենք ընդդեմ քամահրելի թշնամու»,- ասել է նա քաղաքացիներին ուղղված հատուկ ուղերձում, որը հեռարձակվել է իսրայելական հեռուստաալիքներով:

Իր հերթին, բանակի գլխավոր շտաբի պետ Ավիվ Կոխավին հայտարարել է անհրաժեշտության դեպքում Գազայում գործողություններն ընդլայնելու պատրաստակամության մասին:

«Մենք շարունակում ենք լայնածավալ հարձակումը գրոհայինների օբյեկտների վրա, ոչ մի ուժ չենք տնտեսելու»,- ասել է նա:

Կոխավին հավելել է, որ իսրայելական բանակն արդեն հարձակվել է պահեստների ու զինամթերքի արտադրության կենտրոնների վրա, ոչնչացրել տասնյակ զինյալների, այդ թվում՝ բարձրաստիճան:

«Այսպիսով՝ սահմանի այն կողմում՝ Գազայում, իրականությունը շատ բարդ է»,- հավելել է նա:

Պաշտպանության նախարար Բենի Գանցի խոսքով՝ իսրայելցի զինվորականները Գազայի հատվածում շատ ավելի թիրախներ ունեն, և սա «միայն սկիզբն է»:

Մեկնաբանություններ

Համընկնող լուրեր