Մարտի 29-ին կդադարեցվի հետևյալ հասցեների ջրամատակարարումը          Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք       Մարտի 29-ին երկար ժամանակով լույս չի լինի բազմաթիվ հասցեներում    

22 մայիս 2021 13:00

«Փյունիկի» գլխավոր մարզիչ Եղիշե Մելիքյանը ծեծել է ռուս ֆուտբոլիստին

Երևանի «Փյունիկ» ֆուտբոլային ակումբի գլխավոր մարզիչ Եղիշե Մելիքյանը ծեծել է թիմի հարձակվող Անտոն Կոբյալկոյին։ Տեղեկությունը հայտնում է championat.com–ը։

Ըստ կայքի ՝ մարզչի ու ֆուտբոլիստի հարաբերությունները սրվել են ֆուտբոլային հանդիպումներից մեկի ժամանակ, երբ Մելիքյանը հայհոյել է ֆուտբոլիստին։ «Փյունիկը» որոշել է խզել պայմանագիրը Կոբյալկոյի հետ։

Երբ հարձակվողը եկել է թիմին հրաժեշտ տալու, նա մարզչին խնդրել է ներողություն խնդրել ասածների համար։ Երբ մերժում է ստացել, ապտակել է Մելիքյանին ու մեկնել օդանավակայան։

Արդեն Մելիքյանն ու «Փյունիկի» գլխավոր տնօրեն Կիմ Առաքելյանը ռուս ֆուտբոլիստին բռնել են օդանավակայանում ու ծեծել նրան։

Նշվում է, որ հարձակվողը հրաժարվել է ցուցմունք տալ իրավապահ մարմիններին և մեկնել է Ռուսաստան:

Ըստ կայքի տվյալների, օդանավակայանում Մելիքյանը և «Փյունիկ» ֆուտբոլային ակումբի փոխտնօրեն Կիմ Առաքելյանը մարդկանց ներկայությամբ ծեծել  են Կոբյալկոյին`գլխին բազմաթիվ հարվածներ հասցնելով:
«Արմենպրես»-ը փորձում է կապ հաստատել «Փյունիկ»-ի մամուլի ծառայության հետ, սակայն առայժմ ապարդյուն:

Մեկնաբանություններ


Համընկնող լուրեր