Հովիվները կարողացել են ինքնապաշտպանվել. հակառակորդի զինվորները վախեցել են՝ տեսնելով զինված հովիվներին

Հակառակորդի զինվորները սպառնացել են հովիվներին հեռու տանել անասունները, այլապես իրենցով կանեն: Համագյուղացիների պատմելով՝ հովիվները զենքով են եղել և կարողացել են ինքնապաշտպանվել, ավելին՝ հակառակորդի զինվորները վախեցել են՝ տեսնելով զինված հովիվներին:
Տեղեկությունը ճշտելու համար Hraparak.am-ը կապվեց Տեղ համայնքի ղեկավար Ներսես Շադունցի հետ:
«Գիտեք, նման դեպքեր հիմա գրեթե ամեն օր կարող են գրանցվել, ամեն անգամ չարժե այդ միջադեպերին անդրադառնալ: Լավ է, որ մեր հովիվների ձեռքը զենք է եղել, կարողացել են ինքնապաշտպանվել, բայց ինչ եք կարծում' եթե մեր անասուններն անցնում են իրենց հսկողության տակ եղած տարածքում, ինչ է՝ թշնամին հանգիստ ասելու է «եկեք տարեք»,-ասաց համայնքի ղեկավարը՝ վստահեցնելով, որ այս պահին նոր միջադեպեր չեն գրանցվել, գյուղում կայուն հանգիստ վիճակ է: