Հայաստանում ընտրություններն անցկացվել են բաց, արդար և օբյեկտիվ. ԱՊՀ դիտորդական առաքելություն
Հունիսի 20-ին կայացած արտահերթ խորհրդարանական ընտրություններում ԱՊՀ և ՀԱՊԿ դիտորդները խախտումներ չեն հայտնաբերել, Երևանում ամփոփելով դիտորդական առաքելության արդյունքները՝ հայտարարեց ԱՊՀ դիտորդական առաքելության ղեկավար Իլհոմ Նեմատովը։«Ընդհանուր կարծիքն այն է, որ ընտրությունները սկսվել են առանց աղմուկի և նյարդայնության: Պատրաստվել է կոլեգիալ վերջնական փաստաթուղթ: Գործընթացն իրականացվել է Ընտրական օրենսգրքի պահանջներին համապատասխան, դիտորդները չեն արձանագրել որևէ խախտում, որը կարող է ազդել ընտրությունների արդյունքի վրա: Գործընթացը տեղի է ունեցել բարձր կազմակերպչական մակարդակով», – հայտարարեց Նեմատովը։
Առաքելության ղեկավարն ասաց, որ Հայաստանում են մայիսի 31-ից, այցելել են մոտ 700 ընտրատեղամաս։
«Մենք դիտորդական առաքելությունն անցկացրել ենք ազատ, անկողմնակալ, առանց միջամտելու Հայաստանի ներքին գործերին և Հայաստանի օրենքների հիման վրա», – նշեց Նեմատովը։
Նրա խոսքով՝ ընտրական հանձնաժողովները ստեղծել են բոլոր պայմանները ազատ կամարտահայտման իրավունքներն իրականացնելու համար:
.jpg)
