Քեզ համար խորթ են պարկեշտության կանոնները, բայց ինչու ես մարմինդ Վատիկանում ցուցադրում.Քարդաշյանին քննադատել են բաց զգեստի համար, որով նա մեկնել է Վատիկան
Հեռուստաաստղ և գործարար Քիմ Քարդաշյանը Վատիկան է մեկնել բաց ու սեքսուալ զգեստով և քննադատության արժանացել սոցցանցերում։Ինչպես հաղորդում է «Page Six»-ը, 40-ամյա աստղը Հռոմի պապի նստավայր է մեկնել սուպերմոդել Քեյթ Մոսի և նրա 18-ամյա դստեր՝ Լիլա Գրեյսի ընկերակցությամբ:
Քիմը հանրահայտ «Barragan» ապրանքանիշի սպիտակ զգեստ է հագել, որի վրա կան լայն կտրվածքներ ինչպես գոտկատեղի, այնպես էլ մեջքի հատվածում։
Երկրպագուները հեռուստաաստղի արտաքին տեսքն անհարիր են համարել Վատիկանի համար ու նրան քննադատել են Twitter-ում։
«Մենք հասկանում ենք, որ քեզ համար խորթ են պարկեշտության կանոնները, բայց ինչու ես մարմինդ Վատիկանում ցուցադրում: Սա անհարգալից վերաբերմունք է։ Դուք արհամարհել եք Վատիկանի կանոններն ու անարգել հավատացյալների զգացմունքները»,–գրել են նրանք։
Սակայն հենց Վատիկանի համալիրում Քարդաշյանը սև երկար կաշվե վերարկուով է եղել, որն ամբողջությամբ թաքցրել է աստղի մարմնի բաց հատվածները։
Ինչ վերաբերում է քննադատությանը, ապա հեռուստաաստղը չի արձագանքել մեկնաբանություններին։ Ավելին` նա նկարվել է անկողնում, լուսանկարը հրապարակել Instagram–ի իր էջում և նշել, որ գտնվում է Հռոմում։
«Բարի լույս, Հռոմ։ Բարի երեկո, Լոս Անջելես», - գրել է նա։
Այս հրապարակման տակ հետևորդները աստղին չեն քննադատել, ընդհակառակը հիացել են նրա արտաքին տեսքով։
