Վիրաբույժները տղամարդու օրգանիզմից հաջողությամբ դուրս են բերել վեց ամիս առաջ կուլ տված բջջային հեռախոսը          ՌԴ-ն զենք է տալիս Ասադին Թուրքիայի դեմ պատերազմելու համար       Արդեն որերորդ դեպքն է, երիտասարդների մոտ կովիդով հիվանդանալուց հետո սերմնաբջիջների բացակայություն է արձանագրվում    

20 հուլ 2021 17:17

Էրդողանը խաչ քաշելով կիպրական բանակցությունների վրա փաստացի հայտարարեց Կիպրոսի մասնատման մասին

Թուրքիայի նախագահ Ռեջեփ Թայիփ Էրդողանը հուլիսի 19-ի ուշ երեկոյան ինքնահռչակ Հյուսիսային Կիպրոսի թուրքական հանրապետության խորհրդարանում ելույթում հաստատել է Կիպրոսը երկու պետությունների մասնատելու ուղու մասին. հայտնում է Daily Sabah թերթը:

Թուրքիայի նախագահն ասել է. «Թուրքիան և Հյուսիսային Կիպրոսի թուրքական հանրապետությունը շարունակում են իրենց գործողությունների դրական ծրագիրը ... Բայց Կրան-Մոնտանայի բանակցություններից դուրս եկած հունական կողմը (2017-ին) ցույց է տալիս, որ լուծում չի ցանկանում: Հունական կողմը ձևացնում է, որ հավանում է կղզում դաշնության ծրագիրը... Այնուամենայնիվ, մենք չենք պատրաստվում ևս 50 տարի ապրել առանց ճիշտ որոշման: Թուրքիան վճռականորեն պաշտպանում է թուրքական Կիպրոսի նախագահ (Էրսին) Թաթարի կողմից առաջարկված լուծումը, որը նախատեսում է կղզում «Երկու պետություն երկու ժողովուրդների համար» բանաձևը»:

Էրդողանը երկօրյա այցով Կիպրոսում է՝ 1974 թվականին Կիպրոս թուրքական զորքերի ներխուժման տարելիցի կապակցությամբ: Հյուսիսային Կիպրոսը պաշտոնապես ճանաչվում է միայն Թուրքիայի կողմից, որի զորքերը գտնվում են այդ տարածքում: Էրդողանի և թուրք քաղաքական գործիչների բացարձակ մեծամասնության առաջարկը՝ Կիպրոսը երկու պետությունների բաժանելը, կտրականապես չի համընկնում Եվրամիության, Կիպրոսի ու Հունաստանի տեսակետներին և Թուրքիայի ԵՄ  անդամակցության հիմնական խոչընդոտներից է:

Մեկնաբանություններ

Համընկնող լուրեր