Ադրբեջանը պատրաստում է, այսպես կոչված, «Զանգեզուրի միջանցքի» պլանը
Ադրբեջանում այսպես կոչված՝ «Զանգեզուրի միջանցքի» կառուցման նախագիծ են պատրաստում: Այս մասին հայտնում է Minval.az-ը՝ հղում անելով երկրի ավտոճանապարհների վերանորոգման և շահագործման պետական գործակալության ղեկավարին:Զուգահեռաբար ադրբեջանական կողմում ընթանում է Հորադիզ-Ջաբրայիլ-Զանգելան-Աղբենդ (Հորադիզ-Ջրական-Կովսական-Աղբենդ) ճանապարհահատվածի կառուցումը: Այն ճանապարհ կբացի դեպի Նախիջևանի Ինքնավար Հանրապետություն:
Հաղորդվում է, որ ճանապարհի երկարությունը կկազմի 123,8 կմ և կազմված կլինի երթևեկության 4-6 գծից: Շինարարությունը նախատեսվում է ավարտին հասցնել 2024 թվականին:
