Տան 2-րդ հարկից ընկնելու հետևանքով երեխա է մահացել
«Սուրբ Աստվածամայր» ԲԿ-ից հայտնում են, որ տան 2-րդ հարկից ընկնելու հետևանքով 1 տարեկան 8 ամսական երեխան ստացել է կյանքի հետ անհամատեղելի վնասվածքներ։Ավելի վաղ ԶԼՄ-ներում տեղեկություններ էին տարածվել, որ «Սուրբ Աստվածամայր» ԲԿ-ում 8 ամսական երեխա է հանկարծամահ եղել։
«Երեխան հանկարծամահ չի եղել, նա գլխի վրա ընկել է իրենց տան 2-րդ հարկից ու ստացել կյանքի հետ անհամատեղելի վնասվածքներ: Կոմատոզ վիճակով (3 բալ), կատատրավմա, ծանր գլխուղեղային վնասվածքով ընդունվել է կլինիկա, որտեղ վիրահատվել է: Կյանքի ցուցումներով նույն օրը փոքրիկի մոտ կատարվել է դեկոմպրեսիոն տրեպանացիա:
Երկու շաբաթ շարունակ փոքրիկը եղել է ծայրահեղ ծանր վիճակում, որից հետո գիտակցության չգալով մահացել է:
Երեխան ոչ թե 8 ամսական է, այլ 1 տարեկան 8 ամսական»,- նշվում է հաղորդագրությունում։
