«Թուրքիայից մասնավոր ինքնաթիռ է վայրէջք կատարել «Զվարթնոց» օդանավակայանում». Արթուր Գրիգորյան          Ադրբեջանի, Վրաստանի և Կենտրոնական Ասիայի երկրների հետ փորձում ենք վերականգնել պատմական Մետաքսի ճանապարհը       Ադրբեջանն ու Թուրքիան կրկին համատեղ զորավարժություն են անցկացնում,մասնակցում են զինծառայողներ նաև Քաթարից, Ղազախստանից, Պակիստանից և Ուզբեկստանից    

23 օգոս 2021 11:33

Զելենսկու՝«հեռանալ և իրենց տեղը փնտրել Ռուսաստանում» արտահայտությունը ռուսների նկատմամբ ազգամիջյան թշնամանք են հրահրում

Մոսկվան Ուկրաինայի նախագահ Վլադիմիր Զելենսկու հայտարարությունները ռուս բնակչության վերաբերյալ որպես ազգամիջյան թշնամանք հրահրող է գնահատում: Այս մասին հայտարարել է Ռուսաստանի արտգործնախարար Սերգեյ Լավրովը երկուշաբթի հունգարական Magyar Nemzet թերթում հրապարակված հարցազրույցում:

«Հիշեցնեմ, որ օգոստոսի սկզբին Տարաս Կրեմինը, ով լիազորված էր պաշտպանել պետական ​​լեզուն, Ուկրաինայի բոլոր ոչ ուկրաինալեզու բնակիչներին առաջարկել էր հեռանալ երկրից: Օգոստոսի 5-ին հրապարակված հարցազրույցում Վլադիմիր Զելենսկին ռուսներին խորհուրդ էր տվել «հեռանալ և իրենց տեղը փնտրել Ռուսաստանում»: Մենք նման հայտարարություններն ազգամիջյան թշնամանքի հրահրում ենք համարում: Ի դեպ, Եվրամիության երկրներում դրա համար քրեական պատասխանատվություն է նախատեսված»,- նշեց դիվանագիտական ​​գերատեսչության ղեկավարը:

Նախարարն ընդգծեց, որ Կիեւի` «Ուկրաինայում ազգային անհանդուրժողականության գաղափարախոսության արմատավորմանն ուղղված գործողությունները, առաջին հերթին՝ ռուսների նկատմամբ», Մոսկվան որպես «բացարձակ անընդունելի» է որակում:

Ավելի վաղ Զելենսկին «Դոմ» հեռուստաալիքին տված հարցազրույցում Դոնբասում մնալը մեծ սխալ էր անվանել իրենց ռուս համարող քաղաքացիների համար եւ նրանց խորհուրդ էր տվել գնալ Ռուսաստան: Նրա խոսքով` Դոնբասը «երբեք ռուսական տարածք չի լինի», իսկ «առանց Ուկրաինայի քաղաքակրթություն չի լինի»:

Մեկնաբանություններ


Համընկնող լուրեր