Մարտի 29-ին երկար ժամանակով լույս չի լինի բազմաթիվ հասցեներում          Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից       Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ    

20 հոկ 2021 11:47

Հունվարի 1-ից ջրի սակագինը կբարձրանա

2022 թվականի հունվարի 1-ից ջրի սակագինը կբարձրանա, խորհրդարանում լրագրողների հետ զրույցում ասաց Հանրային ծառայությունները կարգավորող հանձնաժողովի նախագահ Գարեգին Բաղրամյանը։

«Ջրային պետական կոմիտեի և «Վեոլիա» ընկերության հետ քննարկում ենք երկարաժամկետ գնային քաղաքականություն ունենալու հնարավորություն, այսինքն՝ վարձակալության պայմանագրում այնպիսի փոփոխություններ կլինեն, որ առաջիկա 10 տարվա համար կունենանք կայուն գնային քաղաքականություն», - ասաց Գարեգին Բաղրամյանը։

Դա, ըստ նրա, ենթադրում է սակագնի որոշակի բարձրացում, որը կայուն կմնա 10 տարվա ընթացքում։

«Բարձրացման հայտը եղել է 43 դրամ, գործող 180-ի նկատմամբ։ Բայց ուզում եմ հիշեցնել, որ 2016 թվականի մրցույթով հաղթած բազիսային գինը 2022 թվականի համար արդեն 214 դրամ էր։ Մենք հիմա վերցնում ենք 214 դրամը և վրան ավելացնում այդ ճշգրտման գործակիցները», - ասաց ՀԾԿՀ նախագահը՝ հավելելով, որ բարձրացումը լինելու է հունվարի 1-ից։

«Հանձնաժողովն առաջարկում է, որ սոցիալապես անապահով սպառողերի համար գործի գործող 180 դրամ սակագինը, մնացած սպառողների համար առաջարկում ենք այլևս բյուջեից վարձակալության վճարի նվազեցումներ, սուբսիդիաներ չանել, այլ ընդամենը 10 տարվա համար կայուն գնային քաղաքականություն ունենալ։ Նրանց համար կսահմանվի 200 դրամ սակագին», - տեղեկացրեց ՀԾԿՀ նախագահը։

Մեկնաբանություններ


Համընկնող լուրեր