Խոզի երիկամի փոխպատվաստում մարդուն. խոզերը կարող են պոտենցիալ կերպով լինել օրգանների կայուն աղբյուր
Նյու Յորքում վիրաբուժները բարեհաջող իրականացրել են գենոմոդիֆիկացված խոզի երիկամի փոխպատվաստում մարդուն։ Այս մասին հայտնում է The New York Times-ը՝ նշելով, որ օրգանը գործում է նորմալ։Նյու Յորքի փոխպատվաստման ինստիտուտի տնօրեն Ռոբերտ Մոնտգոմերիի խոսքով՝ փոխպատվաստումն ավարտելուց անմիջապես հետո երիկամը սկսել է մեզ արտադրել։
Նա ուշադրություն է հրավիրել այն հանգամանքի վրա, որ գենոմոդիֆիկացված խոզերը կարող են պոտենցիալ կերպով լինել օրգանների կայուն աղբյուր։ Այդ վիրահատության իրականացումը նա անվանել է վիթխարի բեկում։
Նշվում է, որ ներկայում 100 հազար ամերիկացիներ սպասում են փոխպատվաստման, որից ավելի քան 90 հազարը՝ հենց երիկամի։
