Կգա մի օր, երբ մենք կկարողանանք Զանգեզուրից մեկնել Ստամբուլ.Հայաստան-Թուրքիա հարաբերություններն Էրդողանը պայմանավորել է Ադրբեջանով
Հայաստանի հետ Թուրքիայի հարաբերությունները կարգավորելու խոչընդոտներ չեն մնա, եթե նա լուծի իր խնդիրներն Ադրբեջանի հետ։ ՏԱՍՍ-ի փոխանցմամբ, այդ մասին երեքշաբթի ասել է Թուրքիայի նախագահ Ռեջեփ Թայիփ Էրդողանը։«Ամուր խաղաղություն կառուցելու պայմաններն այժմ բարենպաստ են, առավել քան երբևէ: Այս հարցում Հայաստանը պետք է անկեղծ կամք դրսևորի Ադրբեջանի հետ խնդիրները լուծելու համար: Եթե դա անի, ապա Թուրքիայի և Հայաստանի միջև հարաբերությունների կարգավորման համար որևէ խոչընդոտ չի լինի»,- Էրդողանի խոսքերն մեջբերել է NTV հեռուստաալիքը.
Նա նշել է, որ Արցախի Հանրապետության օկուպացված տարածքներում Թուրքիայի մասնակցությամբ իրականացվող ենթակառուցվածքային նախագծերը՝ մայրուղիները և երկաթուղիները տնտեսական և առևտրային շահավետ հնարավորություններ կստեղծեն տարածաշրջանի բոլոր երկրների համար։ «Սրանից կշահեն Ադրբեջանի բոլոր հարևանները, այդ թվում՝ Իրանը, Վրաստանը և Հայաստանը»,- ասել է Թուրքիայի ղեկավարը։
***
«Ղարաբաղում ստեղծվելիք ցամաքային և երկաթուղային հաղորդակցությունները տնտեսական և առևտրային նոր հնարավորություններ կբացեն ոչ միայն Ադրբեջանի և Թուրքիայի, այլև տարածաշրջանի բոլոր երկրների համար»,- այս մասին Արցախ կատարած այցի ժամանակ ասել է Թուրքիայի ղեկավար Ռեջեփ Թայիփ Էրդողանը։
«Կգա մի օր, երբ մենք կկարողանանք Զանգեզուրից մեկնել Ստամբուլ»,- շեշտել է նա։
«Կգա մի օր, երբ մենք կկարողանանք Զանգեզուրից մեկնել Ստամբուլ»,- շեշտել է նա։
Երեքշաբթի օրը Էրդողանը և Իլհամ Ալիևը Արցախի օկուպացված տարածքներում բացել են Վարանդայի օդանավակայանը։ Նրանք մասնակցել են նաև դեպի Արաքսի հովիտ տանող մայրուղու շինարարության մեկնարկին և Թուրքիայի աջակցությամբ Կովսականում «խելացի գյուղատնտեսական այգու» ստեղծման արարողությանը։
