Տեսանյութ.Էրդողանը հազիվ է ոտքի վրա կանգնում. սոցցանցերի օգտատերերը կասկածներ ունեն Թուրքիայի նախագահի առողջության հարցում
Թուրքական Anadolu գործակալությունը տեսանյութ է հրապարակել, որում երեւում է, որ Թուրքիայի նախագահ Ռեջեփ Թայիփ Էրդողանը հազիվ է ոտքի վրա կանգնում։Տեսանյութը սոցցանցերի օգտատերերի մոտ կասկածներ է առաջացրել թուրք նախագահի առողջության հարցում:
Նշենք, որ Էրդողանը նոյեմբերի 1-ին հրաժարվել է մասնակցել Գլազգոյում մեկնարկած կլիմայական փոփոխությունների համաժողովին: Այդ որոշումը, ըստ թուրքական լրատվամիջոցների, կայացվել է այն բանից հետո, երբ ընդունող կողմը հրաժարվել է բավարարել թուրքական պատվիրակության անվտանգության ապահովմանը վերաբերող Անկարայի պահանջները։
Հիշեցնենք, որ ամերիկյան «Foreign Policy» ամսագիրը վերլուծական հոդված էր հրապարակել, ըստ որի` Թուրքիայի նախագահ Ռեջեփ Թայիփ Էրդողանը հիվանդ է և չի կարողանալու շարունակել կառավարել երկիրը։
