Ձիթապտղի տերևներից պատրաստված բուժիչ թեյը օգտակար նյութերի մի ամբողջ հանք է          Բադասյանը Մարգարայի անցակետում հյուրընկալել է Հայաստանում ԵՄ դեսպան Վասիլիս Մարագոսին       «Էրմենիսթանի մեր նահանգապետը». թուրքական սոցցանցերում այսպես են մարդիկ անվանում Հայաստանի վարչապետին    

06 նոյ 2021 13:17

Թուրքիայի առաջարկած «3+3»-ը չաշխատող ձևաչափ է, 6 երկրների շահերը մեկը մյուսին հակասում են

Կովկասի ինստիտուտի տնօրեն Ալեքսանդր Իսկանդարյանի կարծիքով, Թուրքիայի նախագահի առաջարկած «3+3» ձևաչափի՝ տարածաշրջանում «վեց երկրների հարթակ» ստեղծելու նախաձեռնությունը չի աշխատի: Երևանում նոյեմբերի 6-ին կայացած «Միջա՞նցք, թե՞ ճանապարհ, ո՞րը պետք է լինի Հայաստանի դիրքորոշումը» թեմայով փորձագիտական քննարկման ժամանակ, քաղաքագետը քիչ հավանական համարեց միմյանցից շատ տարբեր շահեր ունեցող երկրների ներգրավմամբ ֆորմատի գործունեությունը:


«3+3 ձևաչափը, որում միաժամանակ կարող են ներգրավված լինեն Վրաստանը, Ռուսաստանը, Թուրքիան, Իրանը, Հայաստանը, Ադրբեջանը, պարզապես չի կարող աշխատել: Նույնիսկ եթե ֆորմալ առումով այդ ձևաչափը գոյություն ունենա, ու պատկերացնենք, որ ստորագրվել են համաձայնագրեր, փաստաթղթեր, եղել են հայտարարություններ, միևնույն է՝ այդ ձևաչափը չի աշխատի: Պատճառն այն է, որ այս 6 երկրների շահերը ոչ միայն չեն համընկնում, այլև բոլորովին հակադարձ բևեռներում են: Այն ինչ ուզում է Ռուսաստանը, Թուրքիան, Իրանը, մյուս երկրները, մեկը մյուսին հակասում են»,- «Արմենպրես»-ի հաղորդմամբ, ասաց Ալեքսանդր Իսկանդարյանը:
Այդ դեպքում ինչո՞ւ է առաջ քաշվում այդ նախաձեռնությունը: Հարցին ի պատասխան, Ալեքսանդր Իսկանդարյանը նշեց, որ նման քայլով Թուրքիան փորձում է Հարավային կովկասում հաստատել իր ազդեցությունը որպես որոշում կայացնող, ու դա անել ինստիտուցիոնալ ձևով: Այսինքն՝ այն ինչ ստացավ ղարաբաղյան վերջին պատերազմի ընթացքում և դրանից առաջ, բերել ինստիտուցիոնալ ձևաչափ»,-ասաց քաղաքագետն՝ ընդգծելով, որ այդ հարցի հետ կապված քննարկումները կշարունակվեն, կլինեն հայտարարություններ, միևնույն է, այն չաշխատող ձևաչափ է:


«Վեց երկրների հարթակի» կամ այլ կերպ ասած՝ «3+3» (Ռուսաստան, Իրան, Թուրքիա, Հայաստան, Ադրբեջան, Վրաստան) ձևաչափ ստեղծելու գաղափարը 2020 թ. վերջին առաջարկել է Թուրքիայի նախագահ Ռեջեփ Էրդողանը: Սեպտեմբերի վերջին Էրդողանն այդ հարցը քննարկել է Սոչիում ՌԴ նախագահ Վլադիմիր Պուտինի հետ հանդիպման ժամանակ: Ըստ պաշտոնական հաղորդագրության՝ նշված նախաձեռնությունը հոկտեմբերի 6-ին Մոսկվայում քննարկել են նաև Ռուսաստանի և Իրանի արտգործնախարարները:



Մեկնաբանություններ


Համընկնող լուրեր