Ցավոք, ունենք զոհ և վիրավոր․ իրավիճակը հայ- ադրբեջանական սահմանին լարված է
Մենք արդեն տեղեկացրել էիք, որ այսօր, ժամը 12։00-ի սահմաններում, Ադրբեջանի ԶՈՒ ստորաբաժանումները հարձակում են գործել հայ-ադրբեջանական սահմանի արևելյան ուղղությամբ տեղակայված հայկական մարտական դիրքերի վրա։ Քիչ առաջ տեղեկացանք, որ հայկական կողմը ցավոք ունի մեկ զոհ։ Նույն աղբյուրի փոխանցմամբ մեկ զինծառայող էլ ստացել է վիրավորում։ Փորձեցինք տեղեկություն ստանալ ՀՀ Պաշտպանության նախարարությունից, սակայն ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանը մեր հեռախոսազանգերին չպատասխանեց։ Հավելենք, որ հայկական կողմի պատասխան գործողությունների արդյունքում հակառակորդը, կրելով մարդկային կորուստներ, հետ է շպրտվել ելման դիրքեր։ Այս պահին փոխհրաձգությունը շարունակվում է։
