Եթե այլ ելք չունենանք, մենք էլ կօգտվենք այդ կոշտ միջոցից. Լուկաշենկոն սպառնացել է դադարեցնել գազի տարանցումը Եվրոպա
Բելառուսի նախագահ Ալեքսանդր Լուկաշենկոն հայտարարել է, որ իր երկիրը կարող է դադարեցնել գազի տարանցումը դեպի Եվրոպա, եթե Արևմուտքի պատժամիջոցները Մինսկին դնեն արտակարգ դրության մեջ, և այլ կերպ պատասխանելու տարբերակ չլինի, գրում է «ՌԻԱ Նովոստի»-ն։«Եթե նրանց կողմից սահմանված կամ ապագայում սահմանվելիք պատժամիջոցները մեզ դնեն արտակարգ դրության մեջ, և մենք ելք չունենանք այլ միջոցներով արձագանքելու նրանց պատժամիջոցներին, մենք կօգտվենք այդ կոշտ միջոցից», - ասել է Լուկաշենկոն թուրքական TRT հեռուստառադիոընկերությանը՝ մեկնաբանելով գազի տարանցումն արգելափակելու հնարավորությունը։
