Թուրքիան դիտարկում է Ստամբուլ-Երևան չվերթի համար ներկայացված հայտերը․ Չավուշօղլու
Թուրքիայի արտգործնախարար Մևլյութ Չավուշօղլուն հայտարարել է, որ Անկարան դիտարկում է Ստամբուլ-Երևան-Ստամբուլ չվերթերի բացման վերաբերյալ թուրքական և հայկական ավիաընկերությունների հայտերը: Տեղեկությունը հայտնում է Anadolu-ն։Չավուշօղլուն լրագրողներին ասել է, որ ավիաընկերությունների հայտերը քննարկվում են Թուրքիայի տրանսպորտի նախարարությունում և քաղավիացիայի գլխավոր վարչությունում:
«Առհասարակ թուրքական կողմը դրական մոտեցում ունի այս հարցում։ Մոտակա օրերին կորոշվի, թե որ ընկերությունները կկարողանա թռիչքներ կատարել այդ երթուղով»,-ասել է Չավուշօղլուն։
Նա շեշտել է, որ Թուրքիան հանդես է գալիս Հարավային Կովկասում խաղաղության, կայունության և տնտեսական զարգացման օգտին: Արտգործնախարարը հույս է հայտնել, որ հայկական կողմը ջանքեր կգործադրի տարածաշրջանում հարատև խաղաղության ու կայունության ապահովման ուղղությամբ։
