Ի գիտություն հունվար ամսվա կենսաթոշակների վճարման մասին

Այս մասին հայտնում են է Միասնական սոցիալական ծառայությունը:
Նախորդ տարի ընդունված օրենսդրական փոփոխություններով այս տարվա հունվարի 1-ից բոլոր քաղաքներում կենսաթոշակները, ծերության, հաշմանդամության, կերակրողին կորցնելու դեպքում նպաստները, խնամքի նպաստը վճարվում են բացառապես անկանխիկ եղանակով՝ բանկի կամ Ազգային օպերատորի («Հայփոստ»-ի) միջոցով:
Անկանխիկ վճարումների անցումն առաջին փուլը մեկնարկեց 2021 թվականին, երբ հուլիսի 1-ից Երևան, Գյումրի, Վանաձոր քաղաքներում նշված վճարատեսակները սկսեցին կատարվել անկանխիկ եղանակով։
Մյուս քաղաքների կենսաթոշակառուներն ու նպաստառուները, վճարող կազմակերպությունն ընտրելու համար անձամբ պետք է դիմում ներկայացնեին Միասնական սոցիալական ծառայության ցանկացած տարածքային կենտրոն։
Այն կենսաթոշակառուները, որոնք կընտրեն Ազգային օպերատորին (ՀայՓոստ), մինչև Միասնական սոցիալական ծառայություն դիմելը պետք է արդեն ունենան Էլեկտրոնային փողի հաշվառման հաշվի բացման և համալրման պայմանագիր՝ կնքված «Հայփոստ»-ի հետ, և դիմումի հետ միասին ներկայացնեն նաև պայմանագիր կնքելու մասին «Հայփոստ»-ի տված տեղեկանքը։
Կենսաթոշակառուները հետագայում ցանկության դեպքում կարող են դիմել Միասնական սոցիալական ծառայություն և փոխել վճարող կազմակերպությունը։