Ադրբեջանցիները կրակել են Կարմիր Շուկայի ուղղությամբ,երբ անցել է իրենց շարասյունը. Կրակոցները հնչել են 10-15 րոպե
Կարմիր Շուկայի ուղղությամբ ադրբեջանական զինված ուժերի կրակոցները տեւել են 10-15 րոպե։Այս մասին «Փաստինֆո»-ին տեղեկացրել է Կամիր Շուկայի դպրոցի տնօրեն Զավեն Բադասյանը։
«Հիմա հանգիստ է, մոտ կես ժամ առաջ մի 15-20 րոպե ադրբեջացիները կրակել են, հնարավոր է՝ օդ են կրակել։ Գյուղում ոչ ոք, համենայնդեպս, չի տուժել»,-նշել է Զավեն Բադասյանը։
Հիշեցնենք, որ հայկական բնակավայրերի ուղղությամբ ադրբեջանական հենակետերից կրակահերթերը պարբերական բնույթ են կրում։
Այդպես ադրբեջանցիները փորձում են վախի մթնոլորտ ստեղծել բնակչության շրջանում։
