Ռուսաստանի մի շարք գյուղերում տներն ու փողոցները պատվել են սև ձյունով
Ռուսաստանի Մագադանի շրջանի մի քանի գյուղերի բնակիչներ վերջերս հայտնել են սև ձյունի մասին, որի պատճառը ածխով աշխատող հին ջրատաքացման գործարանից արտանետվող մուրն է:
Ինչպես ներկայացնում է Oddity Central-ը, Օմսուկչան և հարևան Սեյմչան բնակավայրերում, որոնք գտնվում են հեռավոր Սիբիրում, ձյունը միշտ չէ, որ սպիտակ է լինում: Այստեղ սև ձյան լուսանկարներն ու տեսանյութերը շարունակում են տարածվել ձմռան ամիսներին մի քանի տարի շարունակ, սակայն փոփոխություններ չեն լինում:
Գործարանը, որի «շնորհիվ» տարածքը մրով է պատվում, ապահովում է շրջանի մի քանի բնակավայրերի ջեռոււցումը, և ջերմաստիճանի նվազմանը զուգահեռ ավելի շատ ածուխ է օգտագործվում:
