Ալիևին պարզ հասկացնում են...բայց դե նաև չի բացառվում, որ Թուրքիան ձմերուկներ տա բռնապետի թևերի տակ և նետի եռացող կաթսայի մեջ
Թուրքիայի նախագահը մի քանի օր առաջ հայտարարեց, որ Ալիևը շատ լավ է ճանաչում Ռուսաստանին։Նա այս հայտարարությամբ Ռուսաստանին հասկացնում է, որ Ալիևն ինքն է իր արտաքին քաղաքականությունը վարում հատկապես Ռուսաստանի հետ։ Միևնույն ժամանակ Ալիևին որոշակի ազատություն է տալիս Ռուսաստանի հետ հարաբերվելիս։
Այս հայտարարությունից հետո արդեն Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովը հայտարարում է, որ այլ տարածքներում, այդ թվում Ղարաբաղում երկրորդ ճակատ բացելը բխում է Ուկրաինայի շահերից։
Այսինքն Ալիևին պարզ հասկացնում են, որ եթե իրենք Ուկրաինայի հետ են, ապա պետք է ճակատ բացեն Արցախում։
Չեմ կարծում, որ Բաքվի բռնապետն այդքան հիմար է, և կգնա երկրոդ ճակատ բացելուն, բայց դե նաև չի բացառվում, որ Թուրքիան ձմերուկներ տա բռնապետի թևերի տակ և նետի եռացող կաթսայի մեջ․․․
Ռազմական փորձագետ Կարեն Հովհաննիսյանի ֆեյսբուքյան էջից
