Ադրբեջանի ԱԳՆ-ն պնդում է, թե խաղաղության պայմանագրի համար հիմք է ընդունվելու Ադրբեջանի ներկայացված բազային սկզբունքները
Ադրբեջանի ԱԳՆ-ն պնդում է, որ Փաշինյանի-Ալիև բրյուսելյան հանդիպման արդյունքում ձեռք բերված պայմանավորվածությունները բխում են Բաքվի շահերից.«Ադրբեջանի նախագահ Իլհամ Ալիևի, Հայաստանի վարչապետ Նիկոլ Փաշինյանի և ԵՄ խորհրդի նախագահ Շառլ Միշելի՝ ապրիլի 6-ին Բրյուսելում կայացած հանդիպումից հետո ձեռք բերված պայմանավորվածությունները բխում են Բաքվի շահերից»,-ասվում է Ադրբեջանի ԱԳՆ-ն հայտարարության մեջ: Ադրբեջանի ԱԳՆ-ն այս հանդիպումը համարել է «կարևոր քայլ տարածաշրջանային անվտանգության հարցում»:
«Փաստինֆո»-ն արդեն տեղեկացրել է, որ Բրյուսելում 4,5 ժամ տեւած բանակցությունների արդյունքներով ձեռք է բերել պայմանավորվածություն` 2021թ. նոյեմբերի 26-ին Սոչիում ձեռք բերված համաձայնության համաձայն` մինչև ապրիլի վերջ ստեղծել Հայաստանի և Ադրբեջանի միջև սահմանների դելիմիտացիայի հարցերով երկկողմ հանձնաժողով, որը օժտված կլինի նաև սահմանի երկայնքով անվտանգություն և կայունություն ապահովելու հարցերով:
Հայաստանի վարչապետը և Ադրբեջանի նախագահը Արտաքին գործերի նախարարներին հանձնարարել են մեկնարկել երկու երկրների միջև խաղաղության բանակցությունների նախապատրաստական աշխատանքները։
Արհեստածին Ադրբեջանի ԱԳՆ-ն պնդում է, թե խաղաղության պայմանագրի ուղղությամբ կողմերը աշխատելու են հիմք ընդունելով Ադրբեջանի կողմից մեկ տարի առաջ քաշված նախաձեռնությունը եւ այն բազային սկզբունքները, որոնք Բաքուն ներկայացրել է որոշ ժամանակ առաջ։
