Իրանը պատրաստ է ցանկացած սցենարի, սակայն հավանական պատերшզմի մասին հայտարարություններն ասեկոսեներ են          Գրենլանդիայի բնակիչները ցանկանում են անկախ լինել Դանիայից, երբ դա անեն, կխոսենք ինչպիսին կլինի հարաբերությունը ԱՄՆ հետ       Թուրքիայում 648 մարդ հայտնվել է հիվանդանոցում շաուրմայից թունավորվելու հետևանքով    

19 ապր 2022 15:17

Ահազանգ է ստացվել, որ Վերնաշեն գյուղի դպրոցում ռումբ է տեղադրված և կան դանակահարվածներ

Այսօր, ապրիլի 19-ին, արտակարգ դեպք է տեղի ունեցել Վայց Ձորի մարզում։ Այս մասին հայտնում է shamshyan.com-ը։

«Ժամը 12։40-ի սահմաններում ոստիկանության Եղեգնաձորի բաժին ահազանգ է ստացվել, որ Վերնաշեն գյուղի միջնակարգ դպրոցում ռումբ է դրված և կան դանակահարված անձինք։

Ինչպես հայտնում է ֆոտոլրագրող Գագիկ Շամշյանը, նմանատիպ ահազանգ է ստացվել Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն։

Ոստիկաններն ու հրշեջ-փրկարարները դպրոցի աշխատակիցների հետ տարհանել են աշակերտներին և այս պահին, տեղում կատարում են հետախուզական աշխատանքներ։ Ոստիկանները տաք հետքերով պարզել են, որ դանակահարված քաղաքացիներ չկան՝ ահազանգը չի համապատասխանում իրականությանը, իսկ ռումբի պահով՝ փրկարարները շարունակում են որոնողական աշխատանքներ։

Գ․ Շամշյանի տեղեկություններով՝ ոստիկանները հայտնաբերել են նաև ահազանգողին։

Փաստի առթիվ ոստիկանության Եղեգնաձորի բաժնում նյութեր են նախապատրաստվում։ 

Մեկնաբանություններ


Համընկնող լուրեր