Առավոտյան իր բնակարանից առեւանգել են Պավլիկ Մանուկյանին, ձերբակալվել են Վարուժան Ավետիսյանին և «Բևեռ»-ի անդամներին

Այս մասին հայտնում է փաստաբան Զարուհի Փոստանջյանը: Նրա հայտարարության մեջ ասվում է.

Այսօր առավոտյան, ժամը 06:30-ին թվով տասը տղամարդը, որոնցից հինգը ոստիկանանի համազգեստով, ներխուժել են պաշտպանյալիս` Պավել Մանուկյանի տուն և արևանգելով նրան տարել են անհայտ ուղղությամբ:

Բռնապետության անօրինական այս գործողությունը տեղի է ունեցել առանց իրավական հիմքեր ներկայացնելու և առանց որևէ պարզաբանման:

Հարգելի պարոններ`Արմեն Աբազյան, Վահե Ղազարյան և Արթուր Դավթյան

Պահանջում եմ`

1. Հրապարակել Որոշումը, եթե իհարկե գոյություն ունի համաձայն որի իմ պաշտպանյալ Պավել Մանուկյանը զրկվել է անձնական ազատությունից,

2. Տրամադրել տեղեկատվություն Պավել Մանուկյանի գտնվելու վայրի վերաբերյալ,

3. Իսկ եթե դուք կապ չունենք Պավել Մանուկյանի առևանգման հետ, ապա հայտնեք ինչ միջոցներ են ձեռնարկվում բացահայտելու ցեղասպան թուրքերի վայրագությունները Երևանում:

***

Ձերբակալվել է «Ազգային ժողովրդավարական բևեռ»-ի խորհրդի անդամ Վարուժան Ավետիսյանը։

«Ձերբակալվել են Սասնա Ծռեր ապստամբական խմբի` այլ հայտնի անդամներ։

Ձերբակալությունների դավադիր օպերացիան ռեժիմն իրականացրել է սինխրոնացված` սկսած Երևանի ժամանակով առավոտյան ժամը 6-ից։

Հայաստանի Հանրապետությունը բռնազավթած թշնամական ռեժիմը` Հայաստանի Հանրապետության հիմնադրումը որոշել է նշել Հայաստանի Հանրապետության նվիրյալ պաշտպաններին բանտեր ուղարկելով» , - հայտնում են «Ազգային ժողովրդավարական բևեռ»-ի գրասենյակից։