Մեկ այլ համավարակ է լինելու. պետք է նախօրոք մտածենք. Բայդեն
ԱՄՆ նախագահ Ջո Բայդենը Սպիտակ տանը կայացած ճեպազրույցում ասել է, որ աշխարհը պետք է պատրաստվի նոր համաճարակի։ Ամերիկացի առաջնորդի խոսքով՝ դրա համար «ավելի շատ գումար» կպահանջվի։«Մեզ ավելի շատ գումար է պետք երկրորդ համաճարակի համար պլանավորելու համար: Կլինի ևս մեկը: Մենք պետք է նախապես մտածենք: Ահա թե ինչի համար մեզ գումար է պետք», – նշել է Բայդենը՝ պատասխանելով ԱՄՆ-ում COVID-19-ի դեմ պայքարի նախագծի լրացուցիչ ֆինանսավորման մասին լրագրողների հարցին։
Ջոնս Հոփքինսի համալսարանի տվյալներով՝ ԱՄՆ-ում կորոնավիրուսի զոհերի թիվն անցել է մեկ միլիոնից։ Այս ցուցանիշով պետություններն առաջ են անցել մյուս երկրներից։
Ըստ վերջին հարցումների՝ նախագահի ընդհանուր վարկանիշը կազմում է հազիվ 40 տոկոս, ինչը նրան դարձնում է ամերիկյան ժամանակակից պատմության ամենաքիչ ժողովրդականություն վայելող նախագահներից մեկը: Քննադատները նրան պարբերաբար մեղադրում են մտավոր անկման մեջ՝ վկայակոչելով նրա հաճախակի գաֆերը և այն դեպքերը, երբ նա կորցնում է իր մտքի շարանը։
