Չինաստանը ձեռնամուխ կլինի մարտական գործողությունների, եթե պոտենցիալ հակառակորդն առաջինը գրոհի․ Global Times
Չինաստանը ձեռնամուխ կլինի մարտական գործողությունների, եթե պոտենցիալ հակառակորդն առաջինը գրոհի, գրում է Global Times-ը։ Պարբերականը չի նշում՝ արդյոք խոսքը մարտական հարձակման մասին է, թե նկատի ունի քաղաքական մեծ սադրանքները, օրինակ ՝ ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի հնարավոր այցը Թայվան։«Չինաստանը երբեք չի վախեցել պայքարից եւ մարտի դաշտում միշտ հաջողությունների է հասել։ Վերջին տասը տարում ՉԺՀ բանակի մարտունակությունը նկատելիորեն ուժեղացել է։ Չինաստանը մեծացնում է իր ռազմական հզորությունը, որպեսզի պաշտպանի իր ինքնիշխանությունը, ապահովի անվտանգությունն ու պաշտպանի զարգացման իր շահերը»,-ասվում է հոդվածում։
