Տասը միջոց սեփական կյանքը չբարդացնելու և երջանիկ լինելու համար          Այս հնարքները կօգնեն սիրելիին խենթացնելու համար       Վրաստանը կշարունակի Ռուսաստանի դեմ պատժամիջոցներ չկիրառելու քաղաքականությունը    

12 սեպ 2022 15:04

Պուտինն Ալիևին վստահում է, նա երբեք չի «քաշել» Պուտինին, պահում է իր խոսքը և դրանից անմիջապես հետո չի թակում Արևմուտքի դուռը կամ այլ բան պայմանավորվում

Վլադիվոստոկում անցկացվող «Բազմաբևեռ աշխարհի ճանապարհին» թեմայով Արևելյան տնտեսական 7-րդ համաժողովի ընթացքում Նիկոլ Փաշինյանի ելույթը և ՌԴ նախագահ Վլադիմիր Պուտինին ուղղված հաճոյախոսությունները, ընդգծված և չափից դուրս դրական վերաբերմունքն ուշադրության արժանացավ ոչ միայն Երևանում, այլև Մոսկվայում:

Փաշինյանին, ով Մոսկվայում ռուսամետ է, Բրյուսելում՝ արևմտամետ ու դեմոկրատ, Մոսկվայում ռեգիոնով զբաղվող դիվանագիտական շրջանակները հետևում են ուշի ուշով:


Օրերս գրել էինք, որ այս անգամ Նիկոլ Փաշինյանն իր պահվածքով նույնիսկ գերազանցեց ինքն իրեն, ինչը նկատել են նաև համապատասխան դիվանագիտական շրջանակները:


Մոսկվայի 168.am-ի դիվանագիտական աղբյուրը նշեց, որ երկկողմ վատթարացող հարաբերությունների իրավիճակում Փաշինյանն ինչ-որ կերպ նման շփումների ընթացքում ձգտում է Պուտինի հարգանքը, վստահությունը ձեռք բերել:


Սակայն, ըստ նրա, հարցն այն է, որ Պուտինը փորձառու քաղաքական գործիչ է, ու նման, նրա գնահատմամբ, պրիմիտիվ քայլերը չեն կարող որևէ ազդեցություն ունենալ, հատկապես, երբ դիտարկվում է ոչ թե գործչի երկու ժամ արած հայտարարությունները, այլ նրա երկարաժամկետ քաղաքականությունը:


«Եթե համեմատենք, Պուտինն Ալիևին վստահում է, թեև Մոսկվային Ադրբեջանի քաղաքականության մեջ շատ բան դուր չի գալիս, Ադրբեջանն ունի իր հաշվարկները, իր շահերը, սակայն Ալիևը երբեք չի «քաշել» Պուտինին: Երբ նրանք ինչ-որ բան են պայմանավորվում, Ալիևը պահում է իր խոսքը և դրանից անմիջապես հետո չի թակում Արևմուտքի դուռը կամ այլ բան պայմանավորվում: Երբ մենք խոսում ենք Փաշինյանի հետ, վստահություն չունենք, որ մեկ ժամից այդ ամենի մասին չեն իմանա Վաշինգտոնում կամ Փարիզում: Այսինքն՝ սա վստահության բաղադրիչ է, այն պարզապես չկա՝ ինչ էլ որ չասեն»,- ասացին 168.am-ին:


Ըստ մեր աղբյուրի տպավորության, Փաշինյանը նման պահվածքով հայ ժողովրդին ցույց է տալիս, որ Պուտինի հետ է շփվում, որով փորձում է ներսում գործընթացը «պահել»:


Հիշեցնենք, որ օրերս Վլադիվոստոկում ընթացող «Բազմաբևեռ աշխարհի ճանապարհին» թեմայով համաժողովի ընթացքում Նիկոլ Փաշինյանը բազմաթիվ շնորհակալություններ, գովեստի խոսքեր ուղղեց ՌԴ նախագահ Վլադիմիր Պուտինին՝ նշելով նույնիսկ, որ տպավորված է հարցերին արձագանքելու՝ Պուտինի օպերատիվությունից:
168.am

Մեկնաբանություններ


Համընկնող լուրեր