Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

26 սեպ 2022 16:35

Քաղաքացիությունից կզրկվեն այն մոլդովացիները, ովքեր կկռվեն ՌԴ-ի կողմից

Մոլդովայի նախագահ Մայա Սանդուն հայտարարել է չճանաչված Մերձդնեստրից զինվորականների՝ ռուսական բանակ հավաքագրման սպառնալիքի մասին և սպառնացել է զրկել նման մարդկանց Մոլդովայի քաղաքացիությունից, գրում է ՏԱՍՍ-ը։


«Մոլդովայի Հանրապետության արևելյան շրջաններում առկա է Մոլդովայի քաղաքացիների մոբիլիզացիայի վտանգ: Նման գործողությունները կանխելու համար մենք վերլուծում ենք Ռուսաստանի Դաշնության քաղաքացիություն ունեցող և ագրեսորի կողմից կռվելու համաձայնած անձանց Մոլդովայի Հանրապետության քաղաքացիությունից զրկելու հնարավորությունը: Մենք նաև ուսումնասիրում ենք ավելի խիստ պատժի հնարավորությունը Մոլդովայի այն քաղաքացիների համար, որոնք ցանկանում են լինել վարձկան», - ասել է նախագահը Անվտանգության բարձրագույն խորհրդի նիստից հետո կայացած ճեպազրույցում։


Բացի այդ, Քիշնևը կխնդրի Ռուսաստանի Դաշնությանը բանակ չհավաքագրել այդ երկրում բնակվող Մոլդովայի քաղաքացիներին:


«Ես խնդրել եմ արտաքին գործերի և եվրոպական ինտեգրման նախարարությանը երկկողմ խորհրդակցություններ նախաձեռնել Ռուսաստանի Դաշնության հետ՝ մոբիլիզացիոն գործընթացում Ռուսաստանում բնակվող Մոլդովայի քաղաքացիների հավաքագրման դեպքերը բացառելու համար: Նախարարությունը նաև աջակցություն կտրամադրի Մոլդովայի քաղաքացիներին, որոնք ցանկանում են Ռուսաստանից հայրենիք վերադառնալ»,-ասել է Սանդուն։


Հիշեցնենք, որ Ուկրաինայում հատուկ ռազմական գործողության ֆոնին, ՌԴ նախագահը հայտարարել է մասնակի մոբիլիզացիայի մասին:




Մեկնաբանություններ


Համընկնող լուրեր