Տեսանյութ. Փաշինյանի հրատապ հավաքին ներկա է նաև ՊՆ նախարարը. Mediahub.am          Մեքսիկայում պոչով երեխա է ծնվել. 2 ամիս անց նկատել են, որ աղջկա պոչը շարունակում է աճել       Ալիևը բռնել է եվրոպացիների դամարը.Ինչի՞ հետևանք է Կլաարի ադրբեջանանպաստ դիրքորշումը    

17 հոկ 2022 12:50

Ադրբեջանի զինուժը երեք կողմից շրջապատել է Ներքին Հանդը, սեպտեմբերին գրավել են նաև հայկական մեկ դիրք և ճանապարհ հարթեցրել դեպի գրավված դիրքը

Սյունիքի հարավում՝ Կապան համայնքի մաս կազմող Ներքին Հանդ գյուղի հատվածում, Ադրբեջանի զինուժի առաջխաղացումների մասին հայտնի դարձավ 2022-ի մարտին։ ՍիվիլՆեթի փաստերի ստուգման թիմը՝ CivilNetCheck-ը, երկու անգամ անդրադարձել է գյուղի ուղղությամբ ադրբեջանական ներխուժմանը։
Հովհաննես Նազարեթյան, #CivilNetCheck


Արբանյակային լուսանկարների ուսումնասիրությունը ցույց է տալիս, որ այս տարվա մայիսի վերջի դրությամբ Ադրբեջանի զինուժն արդեն երեք ուղղությամբ ներխուժել և ամրացել է Ներքին Հանդի շրջակա՝ Հայաստանի ինքնիշխան տարածքում։

Թարմացված արբանյակային լուսանկարները փաստում են, որ սեպտեմբերի 13-14-ի ագրեսիայի ժամանակ Ադրբեջանի զինուժը Ներքին Հանդի մասում չորրորդ ուղղությամբ է ներխուժել Հայաստանի տարածք։




Ադրբեջանական զինուժի ներխուժման ուղղությունները Ներքին Հանդի հատվածում (լուսանկարները՝ sentinel-hub.com)
Արբանյակային լուսանկարները ցույց են տալիս, որ սեպտեմբերին ադրբեջանցիները գրավել են նաև հայկական մի դիրք և ճանապարհ հարթեցրել դեպի գրավված այդ դիրքը։ Սա ստորև քարտեզում նշված է որպես «1»։ Հայկական կողմը նահանջել է դեպի գյուղը և ենթադրաբար դիրքավորվել բլրի լանջին (նշված է «3»)։


Հայաստանի տարածք չորրորդ ուղղությամբ ներխուժումը քարտեզում նշված է «2»-ով։

Վերջին առաջխաղացման հետևանքով ադրբեջանական ստորաբաժանումներն այժմ գտնվում են գյուղի բնակելի մասից շուրջ 500 մետր հեռավորության վրա։


Ալիևի պնդումը և դատարակված Ներքին Հանդը
Հոկտեմբերի 14-ին Ադրբեջանի նախագահ Իլհամ Ալիևը Աստանայում ԱՊՀ երկրների ղեկավարների նիստում պնդել է, որ Ադրբեջանը Հայաստանի տարածքը օկուպացնելու մտադրություն չի ունեցել, ինչպես ենթադրում են ոմանք։ «Ոչ մի քաղաք, ոչ մի գյուղ չի գրավվել»,- ասել է նա։

Ադրբեջանը մինչ օրս որևէ բնակավայր Հայաստանի տարածքում իսկապես չի գրավել։ Սակայն ինչպես փաստում են արբանյակային լուսանկարները, զգալի առաջխաղացման հետևանքով Ներքին Հանդ գյուղը գտնվում է Ադրբեջանի զինուժի նշանառության տակ, և բնակիչների համար լուրջ խնդիրներ են առաջացել անվտանգության առումով։

Օրերս Ներքին Հանդ այցից հետո Մարդու իրավունքների պաշտպան Քրիստիննե Գրիգորյանը արձանագրել է, որ Ադրբեջանի զինուժի ոտնձգության հետևանքով համայնքի բնակիչների, հատկապես կանանց ու երեխաների համար ստեղծվել է առավել դժվարին իրավիճակ՝ հոգեբանական ու ֆիզիկական անձեռնմխելիության, բնականոն կենսաապահովման, սեփականության ու կրթության իրավունքի և այլ հիմնարար իրավունքների իրացման համար։

Իսկ Ներքին Հանդի վարչական ղեկավար Խաչիկ Բաղդասարյանը #CivilNetCheck-ին հայնտեց, որ բնակիչները գյուղ չեն վերադարձել։

Ներքին Հանդը առաջին անգամ չէ հայտնվել Ադրբեջանի թիրախավորման տակ։ Դեռ առաջին արցախյան պատերազմի ժամանակ՝ 1993-ին, ադրբեջանցիները ներխուժել էին գյուղ և հրդեհել այն։ Բնակիչները վերադարձել էին 1994-ին։

Մեկնաբանություններ


Համընկնող լուրեր