Ալիևը ձեւական պատրվակ է ստեղծում Հայաստանի դեմ պատերազմելու
Infoteka24.ru–ն գրում է, որ Ադրբեջանի նախագահ Իլհամ Ալիևը հերթական անգամ սպառնալիքներ է հնչեցրել Հայաստանի հասցեին։ Ելույթ ունենալով Աստանայում ՀԱՊԿ անդամ երկրների ղեկավարների հանդիպման ժամանակ Ալիևը Հայաստանին մեղադրել է եռակողմ հայտարարության կետերը չկատարելու մեջ՝ կապված «Ադրբեջանի հիմնական մասի անարգել մուտքը Նախիջևանի Ինքնավար Հանրապետություն չապահովելու» և «Ադրբեջանի տարածքից զինված ուժերը դուրս չհանելու հետ», վերջին դեպքում հավանաբար նա ի նկատի ունի Արցախը:«Մենք դեռ համբերություն ենք ցուցաբերում, բայց դա անսահմանափակ չէ։ Եթե 2020 թվականի նոյեմբերի եռակողմ հայտարարության այս երկու կարևոր կետերը չկատարվեն, մենք այլ ելք չենք ունենա, քան համարժեք գործելու»,- ասել է Ալիևը։
Բնականաբար, Ալիևի բոլոր մեղադրանքներն անհիմն են, քանի որ Հայաստանը բազմիցս է հայտարարել, որ Արցախում չունի սեփական զինված ուժեր։ Ինչ վերաբերում է Նախիջևան մուտքին, ապա Հայաստանը նույնպես բազմիցս և տարբեր մակարդակներում, այդ թվում ԱՊՀ երկրների ղեկավարների նույն հանդիպմանը, ի դեմս Նիկոլ Փաշինյանի, հայտարարել է, որ պատրաստ է Ադրբեջանին անարգել մուտք ապահովել և նույնիսկ լրացուցիչ անցակետեր ստեղծել իր սահմանը, սակայն Բաքուն հրաժարվում է տրամադրված տրանսպորտային հաղորդակցություններից պնդելով և Հայաստանից պահանջում է Լաչինի նման միջանցք, որի շուրջ պայմանավորվածություն կողմերի միջև չկան և երբեք էլ չեն եղել։ Սա խոսում է այն մասին, որ Ալիևը ձեւական պատրվակ է ստեղծում Հայաստանի դեմ հերթական ագրեսիայի համար։
