Ինչպես ասում էր Ուինսթոն Չերչիլն՝ ամեն հաչող շան հետևից, որ քար նետես, տեղ չես հասնի․ Արփի Դավոյանն՝ իր վերաբերյալ հրապարակումների մասին
ԱԺ-ում լրագրողների հետ ճեպազրույցի ժամանակ ՔՊ-ական պատգամավոր Արփի Դավոյանը անդրադարձավ մամուլում իր մասին արվող հրապարակումներին՝ նշելով, որ այդ հրապարակում անողների հետ կհանդիպի իրավական հաթակում։«Մամուլը գրում է այնպիսի բաներ, ինչպիսի պատվերներ ստանում է, տարիներ շարունակ հետևում ենք, թե այդ մամուլը ինչեր է գրում։ Ինչպես ասում էր Ուինսթոն Չերչիլն՝ ամեն հաչող շան հետևից, որ քար նետես, տեղ չես հասնի»,- ասաց Դավոյանը։
Անդրադառնալով ՔՊ վարչության ընտրությունների արդյունքներին և իրականացված վերահաշվարկին, Դավոյանը ասաց․ «Եղել են թերություններ, վերահաշվարկ է իրականացվել, նույն բանի մասին տարբեր ձևերով սկսում են խոսել, քննարկել, պետք է հասկանալ, ովքեր են այդ մարդիկ և ում էր ձեռնտու այդ մասին խոսել։ Եղել է վերահաշվարկ, որը ժողովրդավարության ցուցիչ է, այլ բան չունեմ ավելացնելու»։
