Տեսանյութ. Փաշինյանի հրատապ հավաքին ներկա է նաև ՊՆ նախարարը. Mediahub.am          Մեքսիկայում պոչով երեխա է ծնվել. 2 ամիս անց նկատել են, որ աղջկա պոչը շարունակում է աճել       Ալիևը բռնել է եվրոպացիների դամարը.Ինչի՞ հետևանք է Կլաարի ադրբեջանանպաստ դիրքորշումը    

23 նոյ 2022 12:20

Ինչ ենք տվել Ռուսաստանին` անվտանգության երաշխիքների դիմաց և ի՞նչ ենք ստանում այդ ամենի դիմաց

ԻՔՄ ծրագրերի համակարգող Դանիել Իոաննիսյանը գրում է. «Այսօր ժամը 13։00-ին Ազատության հրապարակում նաև կխոսենք այն մասին, թե ինչ ենք մենք տվել Ռուսաստանին` անվտանգության երաշխիքների դիմաց։ Մասնավորապես`
Ամբողջ գազաբաշխման համակարգը և բոլոր տեսակի մենաշնորհները՝ գազի ներմուծման, դրա բաշխման, վաճառքի և անգամ դրանից արտադրված էլեկտրաէներգիայի արտահանման համար:
Ռուսաստանի պահանջով նաև պակասեցվեց Իրան-Հայաստան գազատարի տրամաչափը, որպեսզի Հայաստանը չկարողանա արտահանել Իրանական գազը այլ երկրներ:
Ռուսաստանին նաև հանձնվեցին Հրազդանի ջերմաէլեկտրակայանը, Հրազդանի 5-րդ էներգաբլոկը, բազմաթիվ հիդրոէլեկտրակայաններ և կարևոր ենթակառուցվածքներ:
Ռուսական պետկոռպոռացիաների կառավարմանը հանձնվեցին նաև հայկական երկաթուղին և ատոմակայանը:
Հայաստանը միացավ Ռուսաստանի հիմնած տնտեսական միությանը՝ ԵԱՏՄ-ին: Դրա հետևանքով Հայաստանում շեշտակի թանկացան ավտոմեքենաները, գյուղտեխնիկան, մսամթերքը, կաթնամթերքը, յուղերը, կենդանիների կերը, շինանյութը և հազարավոր այլ ապրանքներ: ԵԱՏՄ-ին միանալու ճանապարհը նաև խանգարեց, որ Հայաստանը մերձեցնի իր տնտեսական կապերը Եվրոպական միության հետ:
Այն ժամանակ Հայաստանի տնտեսության համար ոչ շահավետ այս քայլը ևս հիմնավորվում էր նրանով, որ այդպես մենք էլ ավելի ենք մերձանում Ռուսաստանի հետ, որը դրա դիմաց կապահովի մեր անվտանգությունը:
Եվ ի՞նչ ենք ստանում այդ ամենի դիմաց։ Դրա դիմաց ստանում ենք Ռուսաստանի աջակցություն մեզ վրա հարձակված Ադրբեջանին»։


Մեկնաբանություններ


Համընկնող լուրեր