Ադրբեջանի ՊՆ -ն կրկին դժգոհում է ռուսական կողմից և կոչով դիմում
![](https://infoport.am/uploads/posts/8220bb07f8e568278b3e6e19d77f5e7c.jpg)
Մասնավորապես՝ Ադրբեջանի պաշտպանական գերատեսչությունը մեջբերում է ՌԴ խաղաղապահ զորախմբի՝ 2022թ․ նոյեմբերի 24-ի հաղորդագրությունը, որտեղ նշվում է, որ ադրբեջանական կողմը խախտել է հրադադարի պահպանման ռեժիմը՝ կրակ բացելով Մաղավուզ բնակավայրի ուղղությամբ։ Ադրբեջանի ՊՆ-ն նշում է, թե իբր բնակավայրի անունը ոչ թե Մաղավուզ է, այլ Չարդաղլը և հերքում հրադադարի ռեժիմը խախտելու մասին ռուսական կողմի հաղորդագրությունը։
Ադրբեջանի ՊՆ-ն նաև մեղադրում է ռուսական կողմին, թե վերջինս իր պաշտոնական հաղորդագրություններում չի նշում Արցախյան կողմից հրադադարի խախտումների մասին։
«Կոչ ենք անում Ադրբեջանի տարածքում ժամանակավորապես տեղակայված ռուսական խաղաղապահ զորախմբի հրամանատարությանը համապատասխան տեղեկատվության մեջ ճիշտ նշել մեր երկրի տարածքում գտնվող բնակավայրերի տեղանունները և լրջորեն ճնշել հայկական անօրինական զորամիավորումների բոլոր սադրիչ գործողությունները, այդ թվում՝ տարածքների ականապատումը»,- նշված է Ադրբեջանի ՊՆ հաղորդագրության մեջ։
Փաստացի, ՌԴ ՊՆ-ի տեղեկագրի բովանդակությունն այնքան է զայրացրել անպատժելիությունից սանձարձակ դարձած Ադրբեջանին, որ հիմա էլ պահանջում է խեղաթյուրել պատմական Արցախի այն բնակավայրերի անվանումները, որոնք բարեբախտաբար, օկուպացնել չի կարողացել։
Արցախում ռուս խաղաղապահների տեղակայման փաստի առնչությամբ Ադրբեջանը վերջին շրջանում ակնհայտ բացասական ազդակներ է ցույց տալիս։ Ադրբեջանական կողմից տարածված վերոնշյալ հաղորդագրության մեջ Ադրբեջանը ՌԴ ՊՆ-ին մեղադրում է նաև Արցախի՝ իրենց կողմից օկուպացված տարածքներում, իբր, Հայաստանում արտադրված հակահետևակային ականներ տեղադրելու փաստը չարձանագրելու մեջ։
Արցախում ռուս խաղաղապահների տեղակայման փաստի առնչությամբ Ադրբեջանը վերջին շրջանում ակնհայտ բացասական ազդակներ է ցույց տալիս։ Ադրբեջանական կողմից տարածված վերոնշյալ հաղորդագրության մեջ Ադրբեջանը ՌԴ ՊՆ-ին մեղադրում է նաև Արցախի՝ իրենց կողմից օկուպացված տարածքներում, իբր, Հայաստանում արտադրված հակահետևակային ականներ տեղադրելու փաստը չարձանագրելու մեջ։