ՊՆ-ն ասել է՝ հարց չկա, այդ հարցն էլ կկարգավորվի.Սպաների բողոքը տեղ է հասել
Օրերս Yerevan.Today-ը հրապարակում էր արել այն մասին, որ բարձրագույն սպայական կազմի միջոցով ստորին օղակներին ներքին կարգով հասկացրել են, որ փողի խնդիր կա՝դեկտեմբեր ամսվա աշխատավարձը կստանան կեսն այս ամիս, կեսը՝ հունվարին, իսկ 13-րդ աշխատավարձ կոչված պարգևատրումը չեն ստանա, քանի որ գումարի խնդիր կա։Հրապարակմանը զուգահեռ, հարցում էինք ուղարկել Պաշտպանության նախարարություն։ Նախարարությունից ստացել ենք պատասխան այն մասին, որ աշխատավարձը միանգամից չվճարելու մասին տեղեկությունը իրականությանը չի համապատասխանում։ Սակայն հարցման՝ 13-րդ աշխատավարձի մասին վերաբերող հարցին չեն պատասխանել։
Ինչպես մեզ փոխանցեցին սպաները, իրենց տեղեկացրել են, թե ՊՆ-ից հայտնել են, որ ըստ երևույթին խնդիրը բարձրաձայնելու արդյունքում մասամբ կարգավորվել է, ՊՆ-ից հայտնել են, որ աշխատավարձն ամբողջությամբ կստանան միանգամից, իսկ 13-րդ աշխատավարձ համարվող պարգևատրումը կստանան, բայց՝ մի մասը։
Հորդորում ենք սպաներին, աշխատավարձը ոչ ամբողջությամբ վճարելու դեպքում խնդիրը բարձրաձայնել, քանի որ, ըստ ՊՆ-ի, նման հարց չկա։
