Հայաստանի վրա ճնշում է գործադրվո՞ւմ.Փաստեր կա՞ն. Ինչպես է եղել ճնշումը՝ գինու գավաթի շուրջ, թե կտրուկ
ՌԴ ԱԳՆ պաշտոնական ներկայացուցիչ Մարիա Զախարովան այսօր ճեպազրույցում մեկնաբանել է տարածվող տեղեկություններն առ այն, որ Հայաստանի վրա ճնշում է գործադրվում՝ Ռուսաստան-Բելառուս միութենական պետությանը միանալու համար։«Ո՞ւմ վրա են հղում կատարում մարդիկ, որոնք ասում են, որ իրենց ստիպում են, ի՞նչ փաստեր են նկատի ունենում, կա՞ն փաստեր, ինչպես է տեղի ունեցել ճնշումը՝ բարեկամական մթնոլորտում, գինու գավաթի շո՞ւրջ, թե կտրուկ ճնշում է եղել։ Պետք է հասկանալ, թե ինչպես է դա տեղի ունեցել, թե մարդը դուրս է եկել և ասել. «Ես գիտեմ, որ ստիպել են, բայց չեմ հիշում, թե ով և չեմ հիշում, թե ինչպես»։ Փաստեր են պետք»,- ասել է Զախարովան։
Նրա խոսքով, եթե նման հայտարարություններն արվում են առանց փաստերի, և միևնույն ժամանակ նշում են կոնկրետ երկիր և ուղղակիորեն պահանջներ են ներկայացնում երկրի դեմ, ապա դրանք պետք է հիմնավորվեն փաստերով։
