Լուի Բոնոն Երևանից Բաքու է վերադարձել Ջեյհուն Բայրամովի հետ լրացուցիչ հանդիպում անցկացնելու համար
Կովկասյան բանակցությունների գծով ԱՄՆ Պետդեպարտամենտի գլխավոր խորհրդական Լուի Բոնոն Բաքու է վերադարձել Ադրբեջանի արտաքին գործերի նախարար Ջեյհուն Բայրամովի հետ լրացուցիչ հանդիպում անցկացնելու համար։ Այս մասին APA-ի հարցմանն ի պատասխան հայտնել է Ադրբեջանում ԱՄՆ դեսպանատան մամուլի ծառայությունը։«Գլխավոր խորհրդականը բարձրաստիճան պաշտոնյաների հետ հանդիպել է ինչպես Երեւանում, այնպես էլ Բաքվում՝ խաղաղության գործընթացի առաջխաղացումն ապահովելու համար։ Լուի Բոնոն բարձր է գնահատել արտգործնախարար Բայրամովի հետ հանդիպման հնարավորությունը։ Ինչպես նշել է Բոնոն երկու երկրներում մամուլի համար իր հայտարարություններում, Միացյալ Նահանգները հավատարիմ է Ադրբեջանին եւ Հայաստանին օգնություն ցուցաբերելուն՝ կայուն խաղաղության հասնելու համար»,-ասվում է հաղորդագրության մեջ։
