Իրանի ԱԳՆ-ն բացատրություններ է պահանջել Ադրբեջանից Իսրայելի և Ադրբեջանի ԱԳ նախարարների հայտարարություններն անվանելով հակաիրանական համագործակցության լռելյայն հաստատում
Իրանի արտգործնախարարության խոսնակ Նասեր Քանանին անդրադարձել է Իսրայելի ԱԳ նախարարի՝ Ադրբեջանի գործընկերոջ հետ «Իրանի դեմ միասնական ճակատ ստեղծելու» վերաբերյալ համաձայնության մասին հայտարարություններին։Քանանին դա համարել է Ադրբեջանի տարածքը Իրանի ազգային անվտանգությանը սպառնացող վտանգի վերածելու՝ սիոնիստական ռեժիմի չար մտադրությունների հերթական փաստաթուղթը և խստորեն դատապարտել է այն։
Իրանցի դիվանագետը Իսրայելի և Ադրբեջանի ԱԳ նախարարների հայտարարություններն անվանել է նրանց հակաիրանական համագործակցության լռելյայն հաստատում և բացատրություն պահանջել Ադրբեջանի իշխանություններից այս հարցում։
