Հատկապես ռմբակոծվում են հայկական և քրիստոնեական թաղամասերը. Վազգեն Մեսրոպյան
Սիրիայում
իրավիճակը շարունակում է լարված մնալ: Սիրիայի հայաշատ Հալեպ քաղաքում տիրող իրավիճակի շուրջ Hayacq.com-ը զրուցեց ՍԴՀԿ Հայաստանի վարչության փոխատենապետ Վազգեն Մեսրոպյանի
հետ: Վազգեն
Մեսրոպյանը մեզ հետ զրույցում նշեց, որ Հալեպում շատ ծանր իրավիճակ է ստեղծվել.«Հալեպում
վիճակը շատ թեժ է երկու օրվա ընթացքում մենք արդեն ութ զոհ ունենք: Հատկապես ռմբակոծվում են հայկական և
քրիստոնեական թաղամասերը: Այս պահին այնտեղ
7-8 հազար հայեր կան՝ նրանք ահավոր վիճակում են գտնվում և գնալու տեղ չունեն: Հիմնական
հույսը Հայաստան գալն է: Որքանել, որ չուզենանք Հալեպը դատարկվի, սակայն իրավիճակը
այնպիսին է, որ հայերը ներկա պահին չեն կարող այնտեղ ապրել: «Հալեպ»
հայրենասիրական բարեգործական հասարակական կազմակերպությունն արդեն երկու օր է մի քանի
ընտանիք է տեղափոխում Հայաստան, բայց պետք է խնդրին ավելի բարձր՝ պետական մակարդակով
ուշադրություն դարձվի: Կառավարությունում և
Ազգային ժողովում շատ լուրջ պետք է քննարկեն և զբաղվեն, այս խնդրի լուծումը գտնելու
համար՝ չէ որ հայերի կյանքի հարցն է սա»-ասաց Վազգեն Մեսրոպյանը:
