Կանայք, զինվորական փորձ չունեցող անձինք, նախկին ոստիկաններ,զինվորականներ.Ուկրաինան 40 հազարանոց զորքով հակահարձակում է պլանավորում
Ռուս-ուկրաինական հակամարտությունը շարունակվում է արդեն 406 օր:Ուկրաինան հակահարձակման համար պատրաստել է ութ նոր գրոհային բրիգադ՝ 40 հազար հոգու ընդհանուր հզորությամբ։
Reuters-ի փոխանցմամբ՝ այս բրիգադները ձեւավորվել են Ուկրաինայի ՆԳՆ-ի կողմից։ Դրանք ստացել են «Պողպատե սահման», «Փոթորիկ», «Սպարտական», «Չերվոնա Կալինա», «Սահման», «Կատաղություն», «Ազով» և «Կարադագ» անվանումները։
Ուկրաինայի ՆԳՆ ղեկավար Իգոր Կլիմենկոն հայտնել է, որ նորակոչիկների թվում կան կանայք, զինվորական փորձ չունեցող անձինք, ինչպես նաև նախկին ոստիկաններ և զինվորականներ։ Նրանց վերապատրաստումը կտևի երկուսից չորս ամիս:
Ուկրաինայում հակահարձակման ժամկետը չի նշվում, սակայն ենթադրվում է, որ այն կարող է սկսվել առաջիկա շաբաթների կամ ամիսների ընթացքում։
Ավելի վաղ Ուկրաինայի պաշտպանության նախարար Ալեքսեյ Ռեզնիկովը հայտարարել էր, որ ուկրաինական բանակը պատրաստվում է հակահարձակման և արևմտյան գործընկերներին կոչ է արել ուժեղացնել ռազմական օգնությունը։ Քաղաքական գործչի խոսքով՝ արևմտյան զենքի մատակարարման շնորհիվ Ուկրաինայի զինված ուժերը «հաջողություններ են ունենում մարտի դաշտում»։
Զապորոժիեի շրջանում նշվել է, որ Կիևն աշխատում է հակահարձակման մի քանի սցենարների վրա, մինչդեռ խոսքը գնում է ցամաքային գործողության և Էներգոդարի շրջանում Դնեպրին հարկադրելու և Զապորոժյեի ատոմակայանի մասին։
