Այսքան վախեցա՞ծ.Պատմության մեջ չի եղել դեպք, որ վարչապետը մտնի ԱԺ նիստերի դահլիճ այդքան թիկնապահներով.«Ժողովուրդ»
![](https://analitik.am/wp-content/uploads/news/2021/07/9a9beb023d85d1a4e4b1d44e4658530b.png)
«Նիկոլ Փաշինյանն այևս չի կարողանում թաքցնել իր սեփական վախերը: Սրա մասին վկայում է նաև երեկվա՝ մեծաթիվ թիկնապահների ու ոստիկանների ուղեկցությամբ խորհրդարան գալը: Փաշինյանն այս անգամ իսկապես գերազանցել էր ինքն իրեն. նախ՝ նրա՝ երեկվա խորհրդարան գալն աննախադեպ էր նրանով, որ պատմության մեջ առաջին անգամ վարչապետի մեծաթիվ թիկնապահներ հայտնվել էին ԱԺ դահլիճի ներսում:
Պատմության մեջ չի եղել դեպք, որ վարչապետի թիկնապահը մտնի ԱԺ նիստերի դահլիճ, իսկ Փաշինյանն այս հարցում էլ է որոշել «պատմություն» կերտել: Ֆրակցիաների շարքերից յուրաքանչյուրի վերևում կամ ներքևում նստած էին նրա թիկնապահները և հսկում էին պատգամավորներին:
«Ժողովուրդ» օրաթերթը նկատեց նաև, որ ԱԺ դահլիճ մտնող բոլոր մուտքերի մոտ, բացի ՊՊԾ աշխատակիցներից, կանգնած են նաև Փաշինյանի՝ քաղաքացիական հագուստով, բայց զինված թիկնապահները: Այս աստիճան ուժեղացված անվտանգությունը վկայում է մեկ բանի մասին՝ Փաշինյանը վախենում է, իսկ թե ինչից, միայն նա կիմանա: Փաստացի հեղափոխությունից հետո մետրոներով ու հեծանիվներով շրջող իշխանության ներկայացուցիչներն այլևս առանց թիկնապահների քայլ չեն անում»։
Մանրամասները թերթի այսօրվա համարում