Ադրբեջանական քարոզչամեքենան 44-օրյա պատերազմի օրերին արված կադրերը ներկայացնում է որպես նոր, իբր, հայկական «ԿամԱզ» և ականանետային մարտական հաշվարկ են խոցել
Ադրբեջանական քարոզչամիջոցներն արդեն երկրորդ օրն է, ինչ տեսանյութեր են տարածվում, թե, իբր, Գեղարքունիքի մարզի նկատմամբ ադրբեջանական ագրեսիայի ընթացքում խոցել են հայկական «ԿամԱզ»՝ անձնակազմով և ականանետային մարտական հաշվարկ։ՀՀ ՊՆ-ից նշում են, որ դա կեղծիք է, 44-օրյա պատերազմի օրերին արված կադրերը ներկայացնում են որպես նոր։
«Հաշվի առնելով, որ սոցիալական տարբեր հարթակներում մեծ ծավալով տարածվում են ադրբեջանական քարոզչամեքենայի պատրաստած, այդ թվում նաև կեղծ ու դեռևս 44-օրյա պատերազմի օրերին արված տեսանյութերը, կոչ ենք անում ձեռնպահ մնալ դրանց որևէ կերպ անդրադառնալուց, առավել ևս` հրապարակելուց»,- հայտնում են ՊՆ-ից։
