Ընտրվելու դեպքում ես հետ կուղարկեմ բոլոր փախստականներին. Թուրքիայում մոտ 10 մլն փախստական կա
Թուրքիայի նախագահի ընդդիմադիր թեկնածու Քեմալ Քըլըչդարօղլուն խոստացել է ընտրություններում հաղթելու դեպքում երկրից վտարել բոլոր փախստականներին։«Ընտրվելու դեպքում ես հետ կուղարկեմ բոլոր փախստականներին»,- ասել է նա Անկարայում կայացած մամուլի ասուլիսում։ Նրա խոսքերը մեջբերում է Russia Today-ը։
Նա հայտարարել է, որ Թուրքիայում մոտ 10 միլիոն փախստական կա։
Թուրքիայի ներքին գործերի նախարարության ղեկավար Սուլեյման Սոյլուն ավելի վաղ նշել էր, որ Անկարան բախվել է փախստականների` աշխարհում ամենամեծ ալիքին, ինչը շատ ծախսատար է:
Հիշեցնենք, որ մայիսի 28-ին Թուրքիայում կայանալու է նախագահական ընտրությունների 2-րդ փուլը, որում մրցելու են գործող նախագահ Ռեջեփ Թայիփ Էրդողանն ու ընդդիմության մաիսնական թեկնածու Քեմալ Քըլըչդարօղլուն:
